Hau leku ezin hobea da berrogeialdia pasatzeko, ez da inor ikusten eta bista ezin hobeak dira, janaria gertu, lurrera jaitsi besterik ez dut egin behar, eta han hainbat xomorro dauzkat nire menpe… uste dut primeran pasatuko dudala…
Beste aldera, ikuspegiak are hobeak dira! Mendiak eta haranak, han Iberdrolako dorrea, alde honetan Arraiz daukat, aurrean Arnotegi , eta behi horiek arrastoak uzten ari dira zelai osoan, baina honaino ez da iristen usaina…
Hau bakea. Urruntze istoria horrekin, inor ez dator gogaitzera. Eta ni ermitau samarra izanda…
-Kaixo, bizilagun! Nola daramazu? Aurreko zuhaitzetik ikusi zaitut, haritzetik, badakizu, okila-renatik. Jo, egun osoa «Eutsiko diot» ren pum pum-arekin ematen duena, ez dago jasango duenik, ihes egiten dut norbaitekin hitz egin behar dudala, ez zara aspertzen? Konfinamenduaren kontu hau ezin da hain zorrotza izan, ziur nago gobernuak gauzak ezkutatzen dizkigula, ez da hainbesterako… bla bla requetebla…
-Metro eta erdiko distantzia, ez duzu jakin? Hobe duzu etorri zaren tokitik joatea, nik ez baitut istilurik nahi… Gainera, hemen dauden zuhaitz guztiekin, jakin al daiteke zergatik zatozen nirera? Zoaz eta bilatu zeurea !!!
Joé, nolako izaera, nolako mingostasuna, ni elkar pikoteo apur bat proposatzera nentorrela, zuhaitz huts bat ikusi dudala barruan zomorro asko zuela…
-Lagun… utziko didazu gonbidatzen…?
Uf, ez du begiak kliskatzen, ni ez banengo bezala, edo gorrarena egiten ari balitz bezala, ikusi behar da antipatikoa dela, edonork jasaten duela, ziur nago ahaideak alde egin diola borde izateagatik, ez, nik esaten badut badagoela elementu bakoitza ez dakiela elkarrekin bizitzen, ez naiz harritzen gobernuak konfinamendua jarri izana, batzuentzat egoera hau ere ona izango da… bla bla bla…
–Alde egin dezazula beste zuhaitz batera behingoz!!! Geratu etxean, baina ZEURE ETXEAAAAN!!!!
Ale, beste zuhaitz baten bila. Hurbiltasun handiegia auzokide kotorroekiko. Ikusten ari naiz txtxangorria haritz lehorr uzten duela, Sevillara joan zenak bere aulkia galdu zuen ba! Banoa!