Mendi eta landetan bizi ohi den txoritxo. Udazkenean, klima hobeen bila doazen migrazio-taldeak bizi diren aleekin elkartzen dira aldi baterako. Pare bat hilabetez, soroak txori txiki horietaz betetzen dira eltxo eta larben bila, nekazariei euren lanarekin lagunduz.
![](http://txoritxikiak.com/wp-content/uploads/2020/03/1020671MA-1024x581.jpg)
Pintzelkada horiak dituzten tonu berdexkak duena, marroi-koloreko hankak – txio arruntaren aldean, beltzagoak eta finagoak-, moko mehe-mehea eta itxura biribildua.
![](http://txoritxikiak.com/wp-content/uploads/2020/03/C220242MA-1024x561.jpg)
Eta bere bekain hori berezia, begian marra ilun fin bat duela
![](http://txoritxikiak.com/wp-content/uploads/2020/03/1020659MA-1024x503.jpg)
Kolorazio olibazeoaren bizkarra
![](http://txoritxikiak.com/wp-content/uploads/2020/03/C220249MA-1024x539.jpg)
Alboak zurixka, kontraste gisa… aurki dezakegun txoritxo disimulatuenetako bat da. Ez dago ezer deigarririk bere baitan, baina xarmangarria da bere soiltasunean.
![](http://txoritxikiak.com/wp-content/uploads/2020/03/C220241MA-1024x605.jpg)
Partekatu egiten dute lekua txontekin, karnabekin, txinbo kaskabeltzekin, txatxangorriekin…
![](http://txoritxikiak.com/wp-content/uploads/2020/03/1020647MA-1024x480.jpg)
Elkarrekin hegan egiten dute talde mistoetan, ereindakoetatik behiz betetako zelaietaraino, Arraizko magaletan.
![](http://txoritxikiak.com/wp-content/uploads/2020/03/1020661MA-1024x517.jpg)
Eta han topo egin genuen «sinpatiko» horrekin, egun haizetsu batean adarrari tinko helduta, siesta labur baterako posturatxoa hartzen ari zela zirudiena.
![](http://txoritxikiak.com/wp-content/uploads/2020/03/C220247MA-1024x502.jpg)
Eta hantxe utzi genuen, disimulatzen…
![](http://txoritxikiak.com/wp-content/uploads/2020/03/C220248MA-1024x557.jpg)
Hurrengoan elkar ikusi arte, ondo lo egin!